Kwarta qari
From Monday to Friday at 1AM
Paul P. Borg jislet ġrajja mifruxa fuq żewġ rumanzi b'kitba mirquma u mexxejja, fejn il-poeżija, il-filosofija tal-ħajja, id-dipressjoni umana, ir-reliġjon u l-psikoloġija tas-sess, jingħaġnu flimkien biex ikaxkru lill-qarrej lejn tmiem inevitabbli daqskemm drammatiku.
Silvio hu tfajjel li għex ta' ltim, iżda meta jikber terġa' titfaċċa ommu mill-imgħoddi, u jsib li hi biss mara li trid iġġennu bħalma mara taf iġġennen raġel...
Miriam hi mara li f'daqqa waħda tisħet il-ħajja ta' ċaħda u ta' qdusija li kienet tgħix. Issa trid l-ulied. Bilfors. Malajr. Jiġu minn fejn jiġu...
Fuq il-blat ta' Bugibba hemm mara tiżfen qabel tmut. Fiċ-ċimiterju hemm qoffa b'tarbija qed tiksaħ ġo fiha. Fix-xagħra hemm kelba trid twelled, u ma tistax. Fit-tieqa hemm mara nofs ilbies...
Vitor xiħa fuq banketta f'tarf l-isqaq qrib ir-razzett. Vitor traxxax ftit sens fil-ġenn soċjali ta' madwarha, imwerwra tara lil żewġha jaħraq mogħża mejta, imbagħad lil binha bla ħajja wara biebha, u lil żagħżugħ f'xifer ta' rdum.